Sonet à Rhodenthe. Pierre de Ronsard.
Sonet a Rhodenthe
Le premier jour du mois de May, Madame,
Dedans le coeur je senty vos beaux yeux,
Bruns, doux, courtois, rians, delicieux,
Qui d’un glaçon feroient naistre une flame.
De leur beau jour le souvenir m’enflame
Et par penser j’en deviens amoureux:
O de mon coeur les meurtriers bienheureux,
Vostre vertu je sens jusques en l’ame.
Yeux qui tenez la clef de mon penser,
Maistres de moy, qui peustes offenser
D’un seul regard ma raison toute esmue:
Ha! que je suis de vostre amour espoint,
Las! je devois jouyr de vostre veue
Plus longuement, ou bien ne vous voir point.
Pierre de Ronsard.
Trés beau poême et brins de muguet
magnifiques , esperons que cela apporte un peu de bonheur à tous .
Bisous…..CLOCLO.
Très beaux brins muguets avec cette petite touche de bleu ! bonne journée en ce 1er mai et du bonheur pour toute la famille !